ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
პროექტი WARIE (HORIZON-WIDERA-2025-01, HORIZON CSA) მიზნად ისახავს ხელოვნური ინტელექტის (AI) კვლევისა და ინოვაციის შესაძლებლობების გაძლიერებას აღმოსავლეთ პარტნიორობის (EaP) რეგიონში, კერძოდ სომხეთში, საქართველოსა და მოლდოვაში. მიუხედავად იმისა, რომ ხელოვნური ინტელექტი აღნიშნულ ქვეყნებში განიხილება როგორც სტრატეგიული განვითარების პრიორიტეტი, კვლევითი ინფრასტრუქტურა, ადამიანური რესურსი და კვლევის მართვის სისტემები კვლავ საჭიროებს შემდგომ განვითარებას, რათა უზრუნველყოფილი იყოს საერთაშორისო კონკურენტუნარიანობა და გაღრმავდეს ინტეგრაცია ევროპის კვლევით სივრცეში (ERA). პროექტის განხორციელების პერიოდი შეადგენს 48 თვეს (2026 - 2030). პროექტის ფარგლებში აღმოსავლეთ პარტნიორობის რეგიონის უნივერსიტეტები და კვლევითი ცენტრები ითანამშრომლებენ ევროპაში ხელოვნური ინტელექტის მიმართულებით წამყვან კვლევით ინსტიტუტებთან, რაც ხელს შეუწყობს მდგრადი კვლევითი სრულყოფისა და ინოვაციის ეკოსისტემის ჩამოყალიბებას.
თსუ პროექტში მონაწილეობს როგორც მნიშვნელოვანი კვლევითი და საგანმანათლებლო პარტნიორი. პროექტის განხორციელებაში უნივერსიტეტს წარმოადგენს ზუსტ და საბუნებისმეტყველო მეცნიერებათა ფაკულტეტი, სამეცნიერო კვლევებისა და განვითარების დეპარტამენტი და ხარისხის უზრუნველყოფის ცენტრალური სამსახური, რაც უზრუნველყოფს პროექტის აქტივობების კოორდინაციას უნივერსიტეტის მასშტაბით.
ძირითადი აქტივობები
პროექტის ფარგლებში განხორციელდება კოორდინირებული აქტივობების ფართო სპექტრი, მათ შორის:
- მონაწილე ქვეყნებში ინტერდისციპლინური ხელოვნური ინტელექტის კვლევითი ჰაბების შექმნა;
- მკვლევრებისა და სტუდენტებისთვის სასწავლო პროგრამების, საზაფხულო სკოლებისა და საერთაშორისო მობილობის ორგანიზება;
- მოწინავე ციფრული ინფრასტრუქტურისა და ღია მეცნიერების პრაქტიკის განვითარება;
- ერთობლივი კვლევითი პროექტების განხორციელება ჯანდაცვის, სოფლის მეურნეობისა და მდგრადი განვითარების მიმართულებით;
- თანამშრომლობისა და ქსელური კავშირების გაძლიერება ევროპაში მოქმედ წამყვან AI კვლევით ცენტრებთან;
- პროექტის შედეგების გავრცელება აკადემიურ წრეებში, ინდუსტრიაში, პოლიტიკის შემმუშავებელ ინსტიტუციებსა და ფართო საზოგადოებაში.